अनलाइन बजार दराजले नयाँ वर्षको अवसर पारेर आफ्नो वार्षिक अभियान ‘नववर्ष–२०७९ नयाँ रहर, नयाँ अफर’ नामक योजना सुरु गरेको छ । कम्पनीले यस वर्षको अभियान विगतका वर्षहरूभन्दा फरक बनाउँदै थप आकर्षक र रोमाञ्चक सपिङ अनुभव प्रदान गर्ने प्रतिबद्धतासहित योजना सुरु गरेको हो । अभियानमा ६० प्रतिशतसम्मको मेगा डिल, पाँच हजार रुपैयाँसम्मको विशेष छुट भौचरहरू, बैंक कार्ड, इसेवा र आइएमई पे वालेटबाट अनलाइन प्रि–पेमेन्टमा एक हजार पाँच सय रुपैयाँसम्मको छुट, एक रुपैयाँमै उत्कृष्ट पुरस्कार जित्ने मौका, निःशुल्क सिपिङ र बम्पर उपहारका रूपमा याडिया एस–लाइक स्कुटर जित्ने मौका रहेको जनाइएको छ ।
दराज नववर्ष २०७९ को प्रमुख आकर्षणमध्ये एउटा पेमेन्ट पार्टनर छुट रहेको छ । जसमा ग्राहकले सीमित डेबिट र क्रेडिट कार्डबाट प्रि–पेमेन्ट गर्दा एक हजार रुपैयाँदेखि एक हजार पाँच सय रुपैयाँसम्मको छुट पाउन सक्ने जनाइएको छ । सानिमा बैंक, एनआइसी एसिया बैंक, नेपाल बैंक, सिद्धार्थ बैंक, नेपाल इन्भेस्टमेन्ट बैंक, एनएमबि बैंक, सन्राइज बैंक, मेगा बैंक, बैंक अफ काठमाण्डू, एनसिसी बैंक र सेन्चुरी बैंकका कार्डधारकले डेबिट कार्डमार्फत प्रि–पे गरे १० प्रतिशत वा बढीमा एक हजार रुपैयाँ र क्रेडिट कार्डमार्फत प्रि–पे गरे १५ प्रतिशत वा बढीमा एक हजार पाँच सय रुपैयाँसम्मको छुट पाउने कम्पनीले जनाएको छ । स्ट्यान्डर्ड चार्टर्ड बैंक, सांग्रिला विकास बैंक, ज्योति विकास बैंक र मुक्तिनाथ विकास बैंकका डेबिट वा क्रेडिट कार्डमार्फत प्रि–पेमेन्टमा १० प्रतिशत वा अधिकतम एक हजार रुपैयाँ छुट पाउने जनाइएको छ ।
यसबाहेक, दराजका ग्राहकहरूले इ–सेवा र आइएमई पे वालेटमार्फत भुक्तानी गर्दा सीमित अवधिका लागि १० प्रतिशत वा बढीमा एक हजार रुपैयाँसम्मको अतिरिक्त छुट पनि प्राप्त गर्न सक्ने कम्पनीले जनाएको छ । कार्डमार्फत भुक्तानी गर्ने ग्राहकले पहिले नै कार्ड सक्रिय बनाउनुपर्ने कम्पनीले जानकारी दिएको छ ।
त्यस्तै, ‘खेल एक रुपैयाँ’ नामक खेलमा भाग लिएर पुरस्कार जित्न सकिने कम्पनीले जनाएको छ । यसमा ग्राहकले सामसङ ग्यालेक्सी एओथ्री कोर, रियलमी नार्जो फिफ्टी प्लस र वान प्लस टेन प्रो फाइभ जीजस्ता पुरस्कार एक रुपैयाँमै जित्न सकिने जनाइएको छ ।
विभिन्न ब्रान्डमा विशेष छुट
नववर्ष २०७९ अभियानमा प्रमुख राष्ट्रिय तथा अन्तर्राष्ट्रिय ब्रान्डहरूले आफ्नो उत्पादनमा विशेष डिल र छुटहरू प्रदान गरिरहेको कम्पनीले जनाएको छ । जसअन्तर्गत आमायरा फेसन हाउस, कन्भर्स नेपाल, रियलमी, डब्लुओडब्लु, बियर्डो, सिजी डिजिटल, इभोस्टोर, ओलिज स्टोर, लोट्टो स्पोर्टस् नेपाल, मसला बिड्स र फिलिप्स, जुआस, कोन्का एन्ड फोर्स, मिमी नेपाल, क्युएनयू फर्निचर, रोह्टो मेन्थोलाटम नेपाल, पियाजाइटालीय र मन्त्र नेपाललगायतका उत्पादनमा ६० प्रतिशतसम्म छुट रहेको कम्पनीले जनाएको छ ।
