कर्णाली प्रदेशका सामाजिक विकासमन्त्री दल रावल र उद्योग, पर्यटन, वन तथा वातारणमन्त्री नन्दसिंह बुढालाई राजीनामा नदिन प्रधानमन्त्री ओलीका तर्फबाट सुवास नेम्वाङले फोन गरेका छन् ।
कर्णाली प्रदेशका मुख्यमन्त्रीविरुद्ध अविश्वासको प्रस्ताव दिएका सांसदहरूले कर्णाली प्रदेशका सामाजिक विकासमन्त्री रावल र उद्योग, पर्यटन, वन तथा वातावरणमन्त्री नन्दसिंह बुढालाई मन्त्री राजीनामा गरेर दलका सचेतक गुलावजंग शाहले बोलाएको बैठकमा आउन आग्रह गरेका थिए ।
मन्त्री बुढा र रावललाई आज दिउँसो १ बजे बोलाएको बैठकमा उपस्थित हुन हस्ताक्षर पक्षधरले निर्देशन दिएको थियो ।
प्रधानमन्त्री एवं नेकपा अध्यक्ष केपी शर्मा ओलीको तर्फबाट नेता नेम्वाङले फोन गरेर विवाद थप बढाउने गरी अघि नबढ्न निर्देशन दिएका सामाजिक विकासमन्त्री दल रावलले जानकारी दिए ।
त्यसपछि ती दुई मन्त्रीले राजीनामा दिने मनस्थिति त्यागेको बुझिएको छ ।
नेता नेम्वाङको फोनपछि रोकिएको कर्णालीका दुई मन्त्रीको राजीनामासँगै आज दिउँसो बोलाइएको संसदीय दलको बैठक पनि अन्यालमा परेको छ ।
अविश्वासको प्रस्ताव ल्याउने सबै कर्णाली प्रदेश सभाका सदस्यहरूले अहिले फोन स्विच अफ गरेर बसेका छन् ।
