सुकुमवासीलाई सरकारविरुद्ध उकासेको आरोपमा भूमि आयोगका पूर्वउपाध्यक्ष पक्राउ

सुकुमवासीलाई सरकारविरुद्ध उकासेको आरोपमा भूमि आयोगका पूर्वउपाध्यक्ष तथा नेपाल कम्युनिस्ट पार्टीका नेता नहेन्द्र खड्का पक्राउ परेका छन्। प्रहरीले शनिबार उनलाई कीर्तिपुरबाट पक्राउ गरेको हो। 

अनुसन्धानको क्रममा उनले सरकारविरुद्ध आन्दोलन गर्न उनले सुकुमवासीलाई उक्साएको प्रमाण भेटिएको प्रहरी स्रोतले जनाएको छ। यसअघि उनी सुकुमवासी समस्या समाधान गर्न बनेको आयोगको केन्द्रीय उपाध्यक्ष बनेर काम गरेका थिए। 

उनी नेकपानिकट अखिल नेपाल सुकुमवासी संघका अध्यक्ष पनि हुन्। कीर्तिपुरस्थित सुकुमवासी होल्डिङ सेन्टरबाट उनी पक्राउ परेका हुन्।