नक्कली शैक्षिक प्रमाणपत्र पेस गरी बालविकास केन्द्रमा जागिर खाएको आरोपमा अख्तियार दुरुपयोग अनुसन्धान आयोगले सहयोगी कार्यकर्ताविरुद्ध विशेष अदालतमा मुद्दा दायर गरेको छ।
अख्तियारले पाँचथरको हिलिहाङ गाउँपालिका– ७ स्थित जयभवानी माविको बालविकास केन्द्रमा कार्यरत सहयोगी कार्यकर्ता विनाकुमारी राईविरुद्ध बुधबार भ्रष्टाचार मुद्दा दायर गरेको हो। राईले कक्षा ८ र एसएलसीको नक्कली लब्धांकपत्र र चारित्रिक प्रमाणपत्र पेस गरी जागिर खाएको अख्तियारको आरोप छ।
उनलाई भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुरमा आरोपपत्र दायर गरिएको अख्तियारले जनाएको छ।
See More On
