रौतहटको माधवनारायण नगरपालिकाका प्रमुख प्रशासकीय अधिकृतसमेत दुई जना दोषी ठहर भएका छन् । सोमबार विशेष अदालतले उनीहरुलाई सजाय समेत सुनाएको छ ।
विशेषका अध्यक्ष सुदर्शन देव भट्ट तथा सदस्यहरु उमेश कोइराला र विदुर कोइरालाको इजलासले यस मुद्दामा आंशिक ठहरको फैसला गरेको हो । विशेषका अनुसार प्रमुख प्रशासकीय अधिकृत प्रलवकायस्थ र अजितकुमार कर्ण दोषी ठहर भएकाहुन् । उनीहरु दुवैलाई जनही ३÷३ महिना कैदको सजाय सुनाइएको छ ।
यस मुद्दामा रौतहट एडभरटाइजिङ एजेन्सी प्रालिलाई समेत दोषी ठहर गरिएको छ । तीनै प्रतिवादीबाट बिगो रु. २ लाख ५७हजार रुपैयाँभन्दा बढीको दामा साहीले हुन आउने रकम ८५ हजार ९९० रुपैयाँ भराउनेसमेत फैसला भएको विशेषले जनाएको छ । उनीहरु तीनै जनाबाट जनही ३ हजार ४३९ रुपैयाँ क्षतिपूर्ति शूल्क वापत पीडित राहत कोषमा भराउने फैसलामा उल्लेख छ ।
यस मुद्दामा लेखापाल राम बलम प्रसाद यादवले भने सफाइ पाएका छन् । उनले सूचना प्रकाशित गर्ने र रकम भुक्तानी गर्ने कार्यमा अन्य प्रतिवादीसँग मिलेमतो गरेको वाबदनियत राखेको पुष्टि नभएको कारण देखाउँदै विशेषले यो निर्णय सुनाएको हो ।
अख्तियार दुरुपयोग अनुसन्धानआयोगले गत २६ असोजमाकायस्थ, कर्ण, यादव र कम्पनीसमेत गरी चार जनाउपर मुद्दा दायर गरेको थियो । आर्थिक वर्ष ०७७/७८ माधवनारायणको वडा नं. ३ देवी माध्यमिक विद्यालय सखुअर्वामा भवन निर्माणको ठेक्का बोलपत्रआह्वानको सूचना र बोलपत्र स्वीकृत गर्ने आशयको सूचना सार्वजनिक खरिद ऐनबमोजिम नभएको भेटिएको थियो ।
उक्त सूचना राष्ट्रियस्तरको दैनिक पत्रिकामा पेस गर्नुपर्नेमा विज्ञापन एजेन्सीको हैसियत नै नभएको तथा राष्ट्रियस्तरको दैनिकसमेत नरहेको हस्तक्षेप दैनिक पत्रिकालाई पत्राचार गरेको भेटिएको थियो । कायस्थले पत्राचार गरेका थिए । सो पत्रिकाका प्रोपराइटर कर्णले सूचना प्रकाशित गर्ने हैसियत र विज्ञापन एजेन्सीको रुपमा काम गर्ने अधिकार नै सिर्जना नहुँदै बोलपत्रको सूचनालिइ सिटि पोस्ट दैनिकमा प्रकाशन गरेको दाबीसहित मुद्दा परेको थियो ।
यसरी दुई सूचना प्रकाशन वापतको रकम भुक्तानी लिइ प्रतिस्पर्धालाई सीमित बनाएको आरोप अख्तियारको थियो । यसबाट व्यक्तिगत रुपमाका यस्थ र कर्णलाई फाइदा भएको तथा नगरपालिकालाई नोक्सानी भएकोमा आंशिक ठहरको फैसलाआएको हो ।
