प्रस्तावित प्रधानन्यायाधीश र प्रस्तावित दुई राजदूतविरुद्ध उजुरी आह्वान

संसदीय सुनुवाइ समितिले प्रस्तावित प्रधानन्यायाधीश प्रकाशमानसिंह राउतविरुद्ध उजुरी आह्वान गरेको छ। 

बिहीबार बसेको संसदीय सुनुवाइ समितिको बैठकले राउतसँगै अस्ट्रेलियाका लागि प्रस्तावित राजदूत चित्रलेखा यादव र बेल्जियमका लागि प्रस्तावित सेवा लम्सालविरुद्ध उजुरी आह्वान गरेको छ।

सभापति ईश्वरी न्यौपानेका अनुसार सरकारबाट सिफारिस तीनैजनाविरुद्ध संसदीय सुनुवाइ गर्न १० दिने उजुरी आह्वान गरिएको हो।