एसिसी प्रिमियर कप क्रिकेट प्रतियोगिताको फाइनलमा ब्याटिङ गरिरहेको युएईको ब्याटिङ धराशायी बनेको छ ।
नेपाली सिमर र स्पिनरहरू हाबी भएपछि युएईले नियमित अन्तरालमा विकेट गुमाइरहेको छ । यसबीच युएईको पाँचौँ विकेट गुमेको छ ।
सन्दीप लामिछानेले दुई रन बनाएका रोहित मुस्तफालाई कुशल मल्लको हातबाट क्याच गराई नेपाललाई पाँचौँ सफलता दिलाएका छन् ।
ताजा अवस्थामा युएईले १६ ओभर सकिँदा पाँच विकेट गुमाएर ६० रन बनाएको छ । यसअघि नेपाली सिमर करण केसीले दुई र सोमपाल कामीले एक तथा लेफ्टआर्म अर्थोडक्स ललित राजवंशीले नेपाललाई एक विकेटको सफलता दिलाएका थिए ।
त्रिवि खेलमैदानमा जारी खेलमा नेपालले टस जितेर फिल्डिङ रोजेपछि अहिले युएई ब्याटिङ गरिरहेको हो ।
See More On
