- वि.सं २o८१ बैशाख २५ मंगलबार
पाकिस्तानका निवर्तमान प्रधानमन्त्री इमरान खानमाथि गोली प्रहार भएको छ। गोली लागेर उनी घाइते भएको बिबिसीले जनाएको छ।
गुजरांवालाको अल्लाहवाला चोकमा खानमाथि गोली प्रहार भएको हो। उक्त घटनामा अन्य चारजना घाइते भएका छन्। प्रहरीले घटनास्थलबाट एकजनालाई पक्राउ गरेको छ।
पाकिस्तान तहरिक-ए-इन्साफ (पिटिआई) का महासचिव असद उमरले इमरानको खुट्टामा गोली लागेको बताएका छन्।उनका अनुसार इमरान खतरामुक्त छन्। घटनाकाे अहिलेसम्म कसैले जिम्मेवारी लिएकाे छैन।
