रामेछापको सुनापति गाउँपालिकाले सार्वजनिक स्थानमा मद्यपान र धूम्रपान गर्नेलाई नियन्त्रणमा लिएर कारबाही गर्ने भएको छ।
वडा कार्यालय, प्रहरी चौकी, बैंक तथा वित्तीय संस्था, विद्यालय, स्वास्थ्य संस्था, गुम्बा, मन्दिर, पार्कलगायत पालिकाभित्रका सार्वजनिक स्थानहरूमा धूम्रपान र मद्यपान गरे पक्राउ गरी आवश्यक कारबाही गर्ने निर्णय गाउँ कार्यपालिका बैठकले गरेको गाउँपालिकाका प्रमुख ठूलोकान्छा तामाङले जानकारी दिए।
उनले भने, ‘पालिकाभित्र सार्वजनिक स्थान र सरकारी कार्यालयहरूमा नै बसेर मद्यपान र धूम्रपान गर्ने नागरिकको संख्यामा वृद्धि भएसँगै यसलाई रोक्न पालिकाले निर्णय गरेको हो। पालिकाले वडास्तरसम्म अनुगमन गर्ने गरी वडाध्यक्षको नेतृत्वमा अनुगमन समितिसमेत गठन गरेको छ।’