- वि.सं २o७९ श्रावण २७ शुक्रबार
प्रभु बैंक लिमिटेडका ग्राहकले मुक्तिनाथमा रहेको होटेल ग्रान्ड साम्बालामा छुट पाउने भएका छन् । बैंकका ग्राहकलाई विभिन्न सेवाहरूमा छुट दिने सम्बन्धमा बैंक र होटेलबीच सम्झौता भएको हो ।
सम्झौतामा बैंकका जोमसोम क्षेत्र प्रमुख नरेन्द्र थकाली र होटेल ग्रान्ड साम्बालाका प्रबन्ध निर्देशक नाम्ग्य वांग्दी गुरुङले हस्ताक्षर गरेको जनाइएको छ । सम्झौताअनुसार प्रभु बैंकमा खाता खोली बैंकिङ कारोबार गरिरहेका सम्पूर्ण ग्राहकले मुक्तिनाथको होटेल ग्रान्ड साम्बालामा खाना, पेय पदार्थ तथा कोठामा १० प्रतिशत छुट प्राप्त हुने जनाइएको छ ।
छुट प्राप्त गर्नका लागि ग्राहकले प्रभु बैंकको डेबिट कार्ड, क्रेडिट कार्ड, मोबाइल बैंकिङ, इन्टरनेट बैंकिङ च्यानलहरू प्रयोग गरी डिजिटल भुक्तानी गर्नुपर्ने सर्त राखिएको छ । सम्झौताबाट बैंकका सम्पूर्ण ग्राहक लाभान्वित हुने बैंकले विश्वास व्यक्त गरेको छ ।
