- वि.सं २o७९ श्रावण २६ बिहीबार
गएरातिको वर्षासँगै झरेको पहिरोको कारण दोलखाको सिँगटी बजार क्षेत्रका ६५ घर जोखिममा परेका छन् । इलाका प्रहरी कार्यालय भवनसमेत जोखिममा परेको छ । गएराति बिगु गाउँपालिका– ४ लादुकमा पहिरो गएको हो । पहिरोको जोखिममा परेपछि सबै परिवार विस्थापित भएका छन् ।
जिल्ला प्रहरी कार्यालयका प्रहरी निरीक्षक सानु तामाङले जोखिममा परेकाहरूलाई सुरक्षित स्थानमा सारिएको जानकारी दिए । बजार क्षेत्रका घरमा लेदो माटो छिरेको छ । पहिरोको कारण बजार क्षेत्रको बाटोसमेत अवरुद्ध भएको थियो । सोही ठाउँमा गत २३ गते पनि पहिरो गएको थियो । पहिरोले चारवटा घर क्षतिग्रस्त भएका थिए ।
