कैलालीमा डेढ किलो लागुऔषध चरेससहित सशस्त्र प्रहरीका एक जवान पक्राउ परेका छन् । सशस्त्र प्रहरी गण बनबेहडामा कार्यरत प्रहरी जवान गणेशप्रसाद जोशीलाई चरेससहित पक्राउ गरिएकाे जिल्ला प्रहरी कार्यालय कैलालीका प्रवक्ता प्रहरी नायब उपरीक्षक बेदप्रकाश जोशीले जानकारी दिए ।
बझाङको दुर्गाथली घर भएका जोशीलाई धनगढी उपमहानगरपालिका–२, ट्राफिक चोकबाट सोमबार दिउँसो नियन्त्रणमा लिइएको हो । जिल्ला प्रहरी कार्यालयबाट सादा पोसाकमा खटिएको टोलीले शंका लागि चेकजाँच गर्दा उनको साथबाट एक किलो पाँच सय ग्राम लागुऔषध बरामद भएको प्रहरीले जनाएको छ ।
