- वि.सं २o७९ श्रावण २१ शनिबार
कास्कीका डा. अपार लामिछाने यस्ता अपवाद हुन्, जसले निजामती सेवाबाहिरबाट भिडेर एकैपटक स्वास्थ्य सेवाको ११औँ तह अर्थात् सहसचिवमा नाम निकाले । खुला प्रतिस्पर्धामा समेत अधिकांश निजामती सेवाकै कर्मचारी हुने र नाम पनि उनीहरूकै निस्कने गरेकामा उनी भने यसका अपवाद हुन् ।
३६ वर्षको उमेरमा गत वर्ष ०७८ पुसमा उनले सहसचिवमा नाम निकालेका हुन् । ‘म खुलाबाट सीधै लडेको हुँ, नाम निस्कियो,’ उनले भने । यद्यपि, उनीसँग बिपी कोइराला मेमोरियल हस्पिटल र ट्रमा सेन्टरमा करारमा काम गरेको अनुभव भने थियो । लामिछाने अहिले वीर हस्पिटलमा प्लास्टिक सर्जरी विभागका प्रमुख कन्सल्ट्यान्ट हुन् ।
यो पनि पढ्नुहोस्>> प्रशासन हाँक्ने युवा : ४० भन्दा कम उमेरमै नीतिगत तहमा पुगेका छन् ३२ युवा
