- वि.सं २o८१ बैशाख २४ सोमबार
संखुवासभाको खाँदबारी नगरपालिकामा नेकपा एमालेको किल्ला तोड्दै नेपाली कांग्रेसका महेश थपलिया मेयरमा निर्वाचित भएका छन् । गठबन्धनको तर्फबाट मेयरमा उम्मेदवार बनेका थपलियाले ८ हजार ३४ मत ल्याई निर्वाचित भएका हुन् । उनका निकटतम प्रतिद्वन्द्वी नेकपा एमालेका जितबहादुर घिमिरेले पाँच हजार पाँच सय ८९ मत मात्र प्राप्त गरे । दुई हजार ४ सय ४५ मतान्तरको फरकमा थपलिया मेयरमा निर्वाचित भएका हुन् ।
उपमेयरमा भने नेकपा एमालेकी महेश्वरा बज्राचार्य विजयी भएकी छिन् । बज्राचार्यले ६ हजार ३ सय ८५ मत ल्याइन् भने उनका निकटतम प्रतिद्वन्द्वी नेकपा माओवादी केन्द्रका दिव्यराज बरालले पाँच हजार एक सय ४४ मत ल्याए । ०७४ को निर्वाचनमा नगरपालिकामा मेयर र उपमेयर दुवै नेकपा एमालेले जितेको थियो ।
