Skip This
सेन्चुरी कमर्सियल बैंक लिमिटेडको प्रमुख कार्यकारी अधिकृत पदमा मनोज न्यौपाने नियुक्त भएका छन् । बैंकको चैत्र ३० गते बसेको सञ्चालक समितिको बैठकले न्यौपानेलाई बैंकको प्रमुख कार्यकारी अधिकृत पदमा आगामी चार वर्षका लागि नियुक्त गर्ने निर्णय गरेको हो ।
न्यौपाने यसअघि सेन्चुरी बैंकमा कायममुकायम प्रमुख कार्यकारी अधिकृतका रूपमा कार्यरत थिए । काठमाडौं विश्वविद्यालयबाट व्यवस्थापनमा स्नातकोत्तर गरेका न्यौपानेले बैंकिङ क्षेत्रमा १९ वर्षभन्दा बढीको अनुभव हासिल गरेको जनाइएको छ ।
उनले बैंक व्यवस्थापन, सञ्चालन तथा व्यवसाय प्रवद्र्धनका क्षेत्रमा विशेष दखल राख्ने प्रस्ट वक्ता, कमर्सियल बैंकिंङ तथा लेखा क्षेत्रमा सैद्धान्तिक एवं व्यावहारिक विज्ञता हासिल गरेका अनुभवी र कुशल व्यवस्थापकको परिचय बनाएको बैंकले जनाएको छ ।
