- वि.सं २o८१ बैशाख २२ शनिबार
प्रमुख सत्तारुढ दल कांग्रेसको स्थानीय तह निर्वाचन घोषणापत्र समितिले सुझाब संकलनका लागि टोल फ्री नम्बर, भाइबर र एप सञ्चालनमा ल्याएको छ । समिति सदस्य तथा कांग्रेस केन्द्रीय सदस्य किरण गिरीका अनुसार घोषणापत्र लेखन समितिले जनस्तरबाटै सुझाब संकलनका लागि टोल फ्री नम्बर, भाइबर, ह्वाट्सएप र मोबाइल नम्बर सञ्चालनमा ल्याएको हो ।
कांग्रेसले महामन्त्री गगन थापाको नेतृत्वमा घोषणापत्र समिति गठन गरेको छ । समितिले सुझाब संकलन र लेखन समानान्तर रूपमा भइरहेको जनाएको छ । समितिले लिखित रूपमा समेत सुझाब आइरहेको जनाएको छ ।
समितिले १६६००११५८८८ नम्बरको टोल फ्री र मोबाइल नम्बर ९८५१३४२५५५ मा भाइबर र ह्वाट्सएपमार्फतसमेत घोषणापत्रका लागि सुझाब दिन सकिने जनाएको छ। त्यस्तै समितिको फेसबुक म्यासेन्जरबाट समेत सुझाब दिन सकिने जनाएको छ।
‘घोषणापत्र लेखन समितिले जनस्तरबाटै सुझाब संकलनका लागि टोल फ्री नम्बर, भाइबर, ह्वाट्सएप र मोबाइल नम्बर सञ्चालनमा ल्याएको छ,’ गिरीले भने, ‘समितिमा लिखित रूपमा पनि सुझाब आइरहेको छ । सबै माध्ययमबाट सुझाब संकलन र लेखनलाई समानान्तर रूपमा अगाडि बढाइरहेका छौँ ।’
