त्रिभुवन विमानस्थलबाट कतारको दोहा उड्न लागेको विमानमा एक व्यक्ति अनधिकृत रूपमा प्रवेश गरेको विषयमा छानबिन गर्न गृह मन्त्रालयले छानबिन समिति गठन गरेको छ। शुक्रबार मन्त्रालयले अध्यागमन विभागका महानिर्देशकको संयोजकत्वमा ९ सदस्यीय छानबिन समिति गठन गरेको हो।
छानबिन समितिलाई सात दिनभित्र प्रतिवेदन पेस गर्न भनिएको छ। गत सोमबार विमानस्थलको पर्खाल र बार नाघेर एक व्यक्ति अनधिकृत रूपमा नेपाल एयरलाइन्सको जहाजभित्र छिरेका थिए।