चितवनको इच्छाकामना गाउँपालिका–६ स्थित ३ नम्बर पुलबाट स्कार्पियो त्रिशूली नदीमा खसेको छ। बा १३ च ४३६५ नम्बरको स्कार्पियो सडकबाट करिब ५० मिटर तल नदीमा खस्दा चालकसहित सातजना घाइते भएका छन्।
उनीहरूको घटनास्थलबाट उद्धार गरी उपचारका लागि भरतपुर अस्पतालतर्फ ल्याइएको जिल्ला प्रहरी कार्यालयले जानकारी दिएको छ । घाइतेमध्ये केहीको अवस्था गम्भीर रहेको प्रहरीले जनाएको छ । अनियन्त्रित भएर स्कार्पियो खसेको अनुमान गरिए पनि घटनाको थप विवरण आउन बाँकी छ ।