संयुक्त राष्ट्रसंघले सेन्ट्रल अफ्रिकन रिपब्लिक सरकारले एकतर्फी रूपमा जारी गरेको युद्धविरामको स्वागत गरेको छ। संयुक्त राष्ट्रसंघका महासचिव एन्टोनियो गुटेर्रेसले हिंसाग्रस्त सो देशको सरकारले एकतर्फी रूपमा शुक्रबार गरेको युद्धविरामको स्वागत गरेका हुन्।

सरकारले एकतर्फी रूपमा गरेको युद्धविरामको स्वागत गर्दै अर्को पक्षलाई पनि वार्ताको टेबलमा बस्न तथा शान्तिपूर्ण रूपमा समाधान खोज्न महासचिव गुटेर्रेसले आग्रह गरेका छन्। उनले मध्य अफ्रिकी यस देशका सबै पक्षलाई शान्तिपूर्ण वार्ताका माध्यमबाट राजनीतिक समाधान खोज्न आग्रह गरेका छन्। रासस