- वि.सं २०८० मङ्सिर २३ शनिबार
सरकारले जनगणना अवधिभरका लागि स्थानीय तहको कर्मचारी सरुवा रोकेको छ । संघीय मामिला तथा सामान्य प्रशासन मन्त्रालयले ७५३ वटै स्थानीय तहलाई परिपत्र गर्दै सरुवा स्थगित गरेको हो ।
मन्त्रालयको परिपत्रमा भदौ ३० बाट सुरु भएको जनगणनालाई प्रभावकारी बनाउन र समयभित्रै सम्पन्न गर्न सरुवा स्थगन गरिएको उल्लेख छ । उपसचिव कृष्णप्रसाद भुसालले गरेको परिपत्रमा राष्ट्रिय योजना आयोगको आग्रहमा सरुवा स्थगन गरिएको उल्लेख छ ।
मन्त्रालयले स्थानीय तहमा कार्यरत कर्मचारी र जनगणनाका लागि काजमा खटिएका कर्मचारीहरूलाई जनगणना अवधिभर सरुवा नगरिने जनाएको छ ।
