सानिमा बैंक लिमिटेड र नेपालका सामसङ मोबाइल फोन आधिकारिक विक्रेताहरू आइएमएस नेपाल प्रालि र हिम इलेक्ट्रोनिक्सबीच सानिमा बैंकका ग्राहकहरूलाई सामसङको फ्ल्यागसिप स्मार्ट फोन किस्ताबन्दीमा प्रदान गर्ने सम्झौता भएको छ ।
सानिमा बैंकका ग्राहकलाई जेड फोल्ड थ्री र जेड फ्लिप थ्री स्मार्ट फोन शून्य प्रतिशत ब्याजदरमा मासिक किस्ता सुविधामा प्रदान गर्ने सम्झौता भएको हो ।
सम्झौताअनुसार बैंकका ग्राहकले क्रेडिट कार्ड प्रयोग गरी सामसङ कम्पनीका स्मार्ट फोनहरू १२ महिना समयावधिका लागि मासिक किस्तामा प्रि—बुकिङ गर्न सक्ने जनाइएको छ । यसका साथै प्रि—बुकिङमा आकर्षक उपहार पनि प्राप्त गर्न सक्ने बैंकले जनाएको छ ।
प्रि–बुकिङ सुरु भइसकेको र उक्त मोबाइल फोनको औपचारिक लन्च असोज ६ गते जनाइएको छ । सानिमा बैंकले सातै प्रदेशमा एक सय चार शाखा तथा ९६ एटिएममार्फत सेवा दिइरहेको जनाएको छ ।