प्रतिनिधिसभाको आइतबारको दोस्रो बैठकमा नेकपा एमालेका सांसदले अवरोध गरेका छन्। १५ मिनेटको स्थगनपछि सुचारु भएको बैठमा एमाले सांसदले नाराबाजी गरिरहेका छन् । एमालेले कारबाही गरेका १४ सांसदलाई सभामुखले कारबाही नगरेको भन्दै उनीहरूले आज पनि नाराबाजी गरेका हुन् । संवैधानिक सर्वोच्चता कायम गर, पार्टी फुटाउने षड्यन्त्र मुर्दावादलगायतका नारा एमाले सांसदहरूले लगाइरहेका छन् ।