मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ असोज ३० शनिबार
  • Saturday, 16 October, 2021
नयाँ पत्रिका काठमाडाैं
२०७८ बैशाख ३ शुक्रबार १७:३४:००
Read Time : < 1 मिनेट
समाचार डिजिटल संस्करण

संसदीय सुनुवाइ समितिद्वारा सुवेदी र चुँडालको नाम अनुमोदन 

Read Time : < 1 मिनेट
नयाँ पत्रिका, काठमाडाैं
२०७८ बैशाख ३ शुक्रबार १७:३४:००

संघीय संसद्को संसदीय सुनुवाइ समितिले सर्वोच्च अदालतका लागि प्रस्तावित न्यायाधीशहरू नहकुल सुवेदी र कुमार चुँडालको नाम अनुमोदन गरेको छ ।संसदीय सुनुवाइ समितिले शुक्रबार सुनुवाइ गरी प्रस्तावित नामहरूलाई सर्वसम्मतिले अनुमोदन गरेको हो ।

संसदीय समितिमा दुवै न्यायाधीशविरुद्ध उजुरी परेको थियो । साथै प्रस्तावित न्यायाधीश नहकुल सुवेदीको योग्यतामा प्रश्न उठाउँदै सर्वोच्च अदालतमा समेत मुद्दा परेको थियो । अदालतले केही दिनअघि (चैत्त ३० गते) मुद्दा किनारा लगाएसँगै समितिले पनि अनुमोदन गरेको छ ।

न्यायपरिषद्को फागुन २८ गते बसेको बैठकले सुर्खेत उच्च अदालतमा मुख्य न्यायाधीश रहेका सुवेदी र उच्च अदालत पाटनका मुख्य न्यायाधीश रहेका चुँडालको नाम सिफारिस प्रस्ताव गरेको थियो । शुक्रबारको संसदीय सुनुवाइमा अनुमोदन भएका दुवै न्यायाधीशले सर्वोच्च अदालतमा आफ्नो न्याय सम्पादन र प्रतिबद्धताबारे धारणा राखेका थिए ।