मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ माघ १२ सोमबार
  • Monday, 25 January, 2021
२०७७ पौष १६ बिहीबार १०:२३:००
प्रदेश डिजिटल संस्करण

मध्यपहाडी लोकमार्गअन्तर्गत लमजुङ खण्डको ६० प्रतिशत काम सम्पन्न

२०७७ पौष १६ बिहीबार १०:२३:००

लमजुङमा ०७२ सालबाट निर्माण कार्य सुरु भएको मध्यपहाडी लोकमार्गमा ३६ किलोमिटर सडकको ६० प्रतिशत काम सम्पन्न भएको छ । जिल्लाभित्र पर्ने लोकमार्गको ३६ किलोमिटर सडकको निर्माण कार्य तीव्र रूपमा भइरहेको मध्यपहाडी लोकमार्ग आयोजना गोरखाका प्रमुख रामबहादुर गुरुङले बताए । 

लोकमार्गअन्तर्गत लमजुङमा पर्ने चेपेनदी–पाउँदी खण्डमा कालोपत्रे भइसकेको छ । मर्स्याङ्दी वारिपारि तार्कुघाट र पाउँदीमा कालोपत्रे भएको हो । यो सडकखण्ड लमजुङतर्फ साढे नाै किलोमिटर र गोरखातर्फ चेपेनदीदेखि ठाँटीपोखरीसम्म साढे ६ किमिमा पर्छ ।

लोकमार्गको पश्चिम खण्ड (प्लट नं.– ८) अन्तर्गत सुन्दरबजार–५, घुमाउने चौतारादेखि मध्यनेपाल नगरपालिकाको सिमानासम्म १६.२ किमि सडकखण्डको केही स्थानमा कालोपत्रे भएको छ । जिल्लामा ०७२ मा ठेक्का भएको तीनवटा सडकका लागि ८६ करोड ६१ लाख ३६ हजार तीन सय रुपैयाँ लागत रकम छुट्याइएको छ । 

जसमध्ये ५० करोड ९२ लाख २२ हजार दुई सय ७३ रुपैयाँ खर्च भएको मध्यपहाडी लोकमार्ग आयोजना गोरखाका इन्जिनियर बबिता शर्माले जानकारी दिइन् । कोभिड– १९ का कारण बिजुलीको पोल विस्थापनमा ढिलाइ, ठेक्का सम्झौतामा ढिलाइ र स्थानीयको अवरोधका कारण लक्ष्यअनुसार सडक निर्माणले गति लिन नसकेको प्रमुख गुरुङको भनाइ छ । जिल्लामा पर्ने ४५ किलोमिटर सडकमध्ये सुन्दरबजारमा आठ किलोमिटर र मध्यनेपालको एक किलोमिटर सडकखण्डमा स्थानीयको अवरोधका कारण अन्याेल नै छ । 

उक्त सडकखण्डमा स्थानीयको अवरोधले ६ वर्षदेखि सर्भेसमेत हुन सकेको छैन । जिल्लाभित्र पर्ने लोकमार्गको ३६ किलोमिटर सडकको निर्माण कार्य तीव्र रूपमा भए पनि सुन्दरबजार र भोर्लेटार क्षेत्रमा स्थानीयको अवरोधका कारण सडक निर्माण कार्य सुरु हुन नसकेको हो । पूर्वको पाँचथरदेखि पश्चिम बैतडीसम्मको एक हजार सात सय ८७ किलोमिटर लम्बाइको मध्यपहाडी लोकमार्ग लमजुङमा ४५ किलोमिटर पर्छ ।