राजसंस्थाको माग गर्दै काठमाडौंमा राजावादीहरूले प्रदर्शन गरेका छन् । ‘राष्ट्रिय नागरिक आन्दोलन समिति २०७७’को आव्हानमा प्रदर्शन भएको हो । राजावादीले काठमाडौंको माइतीघरदेखि बानेश्वरसम्म प्रदर्शन गरेका हुन् । माइतीघरमा भेला भएका राजावादी झाँकी र जुलुससहित नयाँबानेश्वरमा पुगेका थिए । उनीहरूले पृथ्वीनारायण शाहको तस्बिर बोकेका थिए भने संघीयता एवं धर्मनिरपेक्षता खारेज गर्न र राजसंस्थाको पुनःस्थापना गर्नुपर्ने भन्दै नारा लगाएका थिए ।
प्रदर्शनपछि बानेश्वरमा आयोजित कोणसभामा अधिवक्ता सुरेन्द्र भण्डारीले राजसंस्था स्थापना हुनुपर्ने र संघीयतासँगै धर्मनिरपेक्षता खारेज हुनुपर्ने माग आफूहररूको रहेको बताए ।