- वि.सं २०७७ मङ्सिर १६ मंगलबार
काठमाडाैंकाे कागेश्वरी मनहरा नगरपालिकास्थित कागेश्वरी पुस्तकालयको प्रांगणमा महाकवि लक्ष्मीप्रसाद देवकोटा, हास्य शिरोमणि भैरव अर्याल र आख्यान शिरोमणि रमेश विकलको पूर्णकदको सालिक निर्माण कार्य पूरा भएको छ ।
देवकोटाको सालिक एक वर्षअघि नै तयार गरिए पनि अर्याल र विकलको सालिक हालै तयार गरिएको हो ।
१११औँ लक्ष्मीजयन्तीका अवसरमा साहित्यकार एवं नेपाल कम्युनिस्ट पार्टीका नेता प्रदीप नेपालले स्रष्टाहरूको सालिकमा माल्यार्पण गरे ।
कागेश्वरी पुस्तकालयको व्यवस्थापन र आयोजनामा भएको कार्यक्रममा प्रतिनिधिसभाका सदस्य कृष्ण राई, बागमती प्रदेशका भौतिक पूर्वाधार विकासमन्त्री रामेश्वर फुँयाल, कागेश्वरी मनहरा नगरपालिकाका प्रमुख कृष्णहरि थापालगायतको उपस्थिति थियो ।
आर्थिक वर्ष ०७५/७६ मा रु. ४० लाख विनियोजन गरेर शान्ति उद्यान र लक्ष्मीप्रसाद देवकोटा सालिक निर्माण गरिएको फुँयालले बताए ।
