- वि.सं २o८१ बैशाख २४ सोमबार
नाम्खा गाउँपालिकामा थप आठजनामा कोरोना संक्रमण देखिएको छ । चारजना कोरोना पुष्टि भएको दुई दिनपछि थप आठजनामा कोरोना देखिएको हो।
सुर्खेतमा गरिएको नमुना परिक्षणमा आठजनामा संक्रमण देखिएको स्वास्थ्य सेवा कार्यालय हुम्लाका प्रमुख प्रेमबहादुर सिंहले जानकारी दिए ।
पालिका केन्द्रमा रहेको याल्वाङको महाबौद्ध माध्यमिक विद्यालयका शिक्षक र विद्यार्थीमा कोरोना पुष्टि भएको प्रमुख सिंहले बताए ।
समुदायस्तरमै कोरोना भाइरसको संख्या बढेपछि जिल्ला अस्पताल हुम्लाबाट चिकित्सकसहितको टोली नाम्खा गाउँपालिका केन्द्र याल्वाङतर्फ हिँडेको प्रमुख सिंहको भनाइ छ ।
