सत्तारुढ दल नेपाल कम्युनिस्ट पार्टी नेकपामा अन्तरद्वन्द्व उत्सर्गमा पुग्दै गर्दा स–सानादेखि सचिवालय सदस्यहरूसम्मको अनाैपचारिक भेला बाक्लो हुँदै गएको छ ।
यसै क्रममा शनिबार पूर्वएमाले पक्षका कार्यकर्ताहरूको भेला काठमाडौंको उत्तरी क्षेत्र बसुन्धरामा बसेको तथ्य खुलेकाे छ ।
सो भेलालाई नेकपाका नेता एवं उपप्रधानमन्त्री ईश्वर पोखरेलले सम्बोधन गरेका थिए ।
क्षेत्र नम्बर ५ को कार्यकर्ता भेला भनिएको भए पनि उक्त भेलामा पूरै पूर्व एमालेसम्बद्ध नेता कार्यकर्ताहरूको मात्र उपस्थिति रहेको थियाे ।
नेकपाको काठमाडौं जिल्ला कमिटी अध्यक्ष कृष्ण राईसहित अन्य अगुवा कार्यकर्ताहरू यस भेलामा सहभागी भएको स्रोतले जनाएको छ ।