कोरोना महामारीका कारण बन्द भएका पाकिस्तानका सबै शैक्षिक संस्था सुचारु हुन थालेका छन् ।
सरकारी अधिकारीहरूले झन्डै ६ महिनापछि बुधबारदेखि सबै शैक्षिक संस्था सञ्चालन गर्न थालिएको जानकारी दिएका छन् ।
पाकिस्तानमा कोरोनाका कारण अहिलेसम्म झन्डै तीन लाख मानिस संक्रमित भइसकेका छन् ।
विद्यालय सञ्चालनका क्रममा स्वास्थ्य सतर्कतासम्बन्धी मापदण्ड पलनामा भने अत्यन्त कडाइ गरिएको छ ।
त्यसैगरी मापदण्ड पर्याप्त रूपमा पालना भएको वा नभएकोबारे अनुगमन गर्न विभिन्न संयन्त्र पनि परिचालन गरिएको अधिकारीहरूले जानकारी दिएका छन् ।
केन्द्रीय शिक्षामन्त्री शाफ्क्वात मोहमुदले विद्यालय बन्द हुँदा सबैभन्दा बढी प्राथमिक तहका विद्यार्थी प्रभावित भएको र अहिले खुलेपछि सबैभन्दा धेरै पनि उनीहरू नै आएको बताए ।
कोरोना भाइरसबारे विश्लेषणात्मक अध्ययन गरी सरोकारवालाको सुझाबका आधारमा विद्यालय खोल्ने निर्णय गरिएको उनले जानकारी दिए ।
पाकिस्तानमा अहिलेसम्म कुल तीन लाख १२ हजार दुई सय ६३ जना कोरोनाबाट संक्रमित भएका छन् ।
संक्रमितमध्ये दुई लाख ९६ हजार आठ सय ८१ जना अहिले पूर्ण रूपमा निको भइसकेका छन् ।
कोरोनाबाट हालसम्म पाकिस्तानमा ६ हजार चार सय ७९ जनाको मृत्यु भएको छ ।