Skip This
एमाले सांसद भन्छन्– जनता सरकारको कामबाट सन्तुष्ट छैनन्
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ असार ११ मंगलबार
  • Tuesday, 23 July, 2024
फाइल तस्बिर
नयाँ पत्रिका काठमाडौं
२o८१ असार ११ मंगलबार १४:१२:oo
Read Time : < 1 मिनेट
समाचार डिजिटल संस्करण

एमाले सांसद भन्छन्– जनता सरकारको कामबाट सन्तुष्ट छैनन्

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८१ असार ११ मंगलबार १४:१२:oo

नेकपा (एमाले)का सांसद रघुजी पन्तले सरकारको कामबाट जनता र सांसद सन्तुष्ट नरहेको बताएका छन् ।

मंगलबार प्रतिनिधिसभा बैठकमा सांसद पन्तले भने, ‘प्रधानमन्त्रीज्यू कति गरिरहेको छु भन्नुहुन्छ । हामी सांसद र जनताचाहिँ सरकारबाट सन्तुष्ट भएको देखिएन । प्रधानमन्त्रीज्यू कति सन्तुष्ट हुनुहुन्छ ?’

सांसद पन्तले चालू खर्च बढिरहेको सन्दर्भमा उपराष्ट्रपति र राष्ट्रिय सभाको अध्यक्ष एउटै व्यक्ति हुने प्रणाली अवलम्बन गर्न सकिने प्रस्ताव गर्दै राष्ट्रपतिको सल्लाहकार घटाउने र निर्वाचन प्रणाली परिवर्तनका बारेमा प्रधानमन्त्रीलाई प्रश्न गरे।

‘बढिरहेको चालू खर्च घटाउनका लागि उपराष्ट्रपति र राष्ट्रिय सभाको अध्यक्ष एउटै व्यक्ति हुने सिस्टममा जान सकिनेबारे प्रधानमन्त्रीको विचार के छ ? राष्ट्रपतिले चार–पाँचजना सल्लाहकार राख्ने जुन प्रथा छ, त्यसलाई घटाउन कानुन ल्याउने विषयमा उहाँको विचार के छ ? र निर्वाचन प्रणालीबारे पनि यसले राजनीतिक अस्थिरता बढायो भन्ने प्रश्न उठिरहेको हुँदा यसबारेमा उहाँको विचार के छ, म त्यो जान्न चाहन्छु।’