- वि.सं २o८१ बैशाख २० बिहीबार
नेसनल पेमेन्ट गेटवे प्रकरणमा विशेष अदालतले सुनील पौडेललाई दोषी ठहर गर्दै बाँकी आठजनालाई सफाइ दिएको छ । शुक्रबार विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले यस्तो फैसला गरेको हो।
विशेषका अधिकृत यज्ञराज रेग्मीका अनुसार पौडेललाई दोषी ठहर गर्दै इजलासले २५ वैशाखमा सजाय निर्धारणको पेसी तोकेको छ। पौडेल तत्कालीन राष्ट्रिय सूचना प्रविधि केन्द्रका उपनिर्देशक हुन् । साथै उनी पछिल्लोपटक नेपाल टेलिकमको प्रबन्ध–निर्देशकका रूपमा कार्यरत थिए ।
नेसनल पेमेन्ट गेटवे खरिदमा २३ करोड २७ लाख ५८ हजार घोटाला भएको निष्कर्षसहित अख्तियार दुरुपयोग अनुसन्धान आयोगले पौडेलसहित नौजनाविरुद्ध विशेषमा मुद्दा दायर गरेको थियो।
