Skip This
मधेश प्रदेशका मुख्यमन्त्री सरोजकुमार यादवले १५ महिनामा ११ पटक मन्त्रिपरिषद् विस्तार गरेका छन् । मुख्यमन्त्री यादवको सिफारिसमा प्रदेश प्रमुख सुमित्रादेवी भण्डारीले बिहीबार तीन मन्त्री र एक राज्यमन्त्रीलाई शपथ गराएकी हुन् ।
मन्त्री नियुक्त हुनेमा माओवादी संसदीय दलका नेता भरतप्रसाद साह, युवराज भट्टराई र एकीकृत समाजवादीकी बेची लुंगेली छन् । महोत्तरी १ (१)बाट निर्वाचित साह र सर्लाही १ (२) बाट निर्वाचित लुंगेलीलाई विनाविभागीय र रौतहट ४ (१) बाट निर्वाचित भट्टराईलाई उद्योग, वाणिज्य तथा पर्यटन मन्त्रालयको जिम्मेवारी दिइएको छ ।
माओवादीले उद्योग तथा पर्यटनमन्त्री सुनिता यादव र राज्यमन्त्री रहबर अन्सारीलाई फिर्ता बोलाएर भट्टराईलाई मन्त्री बनाएको हो । एमालेकी शारदा थापाले गृह तथा सञ्चार राज्यमन्त्रीका रूपमा शपथ लिएकी छिन् ।
2024-09-18-01-30-27.gif)
2024-09-18-01-30-29.gif)
