- वि.सं २o८१ बैशाख १८ मंगलबार
राष्ट्रिय क्रिकेट टोलीका पूर्वकप्तान सन्दीप लामिछानेको मुद्दामा उच्च अदालत पाटनले विपक्षी झिकाउने आदेश दिएको छ। जबर्जस्ती करणी मुद्दामा जिल्ला अदालत काठमाडौंबाट दोषी ठहर भएका लामिछाने पुनरावेदनका लागि उच्च अदालत गएका थिए।
लामिछानेले नेपाल सरकारलाई विपक्षी बनाई गत फागुन १० गते उच्च अदालतमा पुनरावेदन गरेका थिए। जिल्ला अदालतले जबर्जस्ती करणी मुद्दामा उनलाई दोषी ठहर गर्दै आठ वर्ष कैद सजाय सुनाएको छ।
उच्चका न्यायाधीशद्वय नृपध्वज निरौला र कृष्णराम कोइरालाको इजलासले लामिछानेकाे पुनरावेदनमा सुनुवाइ गर्दै विपक्षी झिकाउन आदेश दिएको हो। साे मुद्दाको अर्को सुनुवाइ आगामी वैशाख ३ गतेलाई तोकिएको छ।
