- वि.सं २o८o फाल्गुण २१ सोमबार
प्रधानमन्त्रीनिवास बालुवाटारमा नयाँ सत्तागठबन्धनको दोस्रो बैठक बसिरहेको छ । आजै दोस्रोपटक बसेको बैठकमा शक्ति बाँडफाँट मुख्य एजेन्डा रहेको छ ।
बैठकमा प्रधानमन्त्री पुष्पकमल दाहाल प्रचण्ड, एमाले अध्यक्ष केपी ओली, रास्वपा सभापति रवि लामिछाने, जसपा अध्यक्ष उपेन्द्र यादव सहभागी छन् । यसैगरी, नारायणकाजी श्रेष्ठ, विष्णु पौडेल, वर्षमान पुन, राजेन्द्र श्रेष्ठलगायतका नेता पनि बैठकमा सहभागी छन् ।
बैठकले परिवर्तित नयाँ राजनीतिक परिस्थितिमा शक्ति बाँडफाँटको टुंगो लगाउने र त्यसलाई लिखित सहमति गर्ने बताइएको छ ।
बैठकमा संघ र प्रदेश सरकारहरूको शक्ति बाँडफाँट नै बैठकको मुख्य एजेन्डा रहेको बालुवाटार स्रोतले बतायो ।
कांग्रेससँगको सहकार्य तोडेर आजै प्रधानमन्त्री प्रचण्डले नयाँ सत्तागठबन्धन बनाएका हुन् । त्यससँगै आज बिहान पनि यी दलबीच छलफल चलेको थियो ।
