१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ बैशाख २४ सोमबार
  • Monday, 06 May, 2024
२o८१ बैशाख २४ सोमबार १४:४६:oo
Read Time : < 1 मिनेट
ad
ad
विश्व डिजिटल संस्करण

सन् २०२३ मा सुनको विश्वव्यापी माग पाँच हजार टन 

Read Time : < 1 मिनेट
नयाँ पत्रिका
२o८१ बैशाख २४ सोमबार १४:४६:oo

सन् २०२३ मा ओभर–द–काउन्टर र स्टक फ्लोसहित विश्वव्यापी सुनको कुल माग गत वर्ष चार हजार ८९९ टन छ।

वर्ल्ड गोल्ड काउन्सिलले सार्वजनिक गरेको प्रतिवेदनअनुसार सन् २०२३ मा केन्द्रीय बैंकहरूको माग एक हजार ३७ टन पुगेको छ, जुन इतिहासकै दोस्रो उच्च हो।

विश्वव्यापी सुनजन्य सामान विनिमय व्यापार कोष (इटिएफ)ले सुनको मागमा लगातार वृद्धि भइरहेको अवस्थामा यसको कारोबारमा पनि वृद्धि देखिएको हो।

सन् २०२३ मा सुनको विनिमयमा २४४ टन बढी रेकर्ड भएको उल्लेख छ। यसको विपरीत, चिनियाँ बजारमा गत वर्ष १० टन सुनको इटिएफको प्रवाह देखिएको थियो, जसले २०२३ को अन्त्यसम्ममा सुनको इटिएफको कुल नियन्त्रण ६१.५ टनमा ल्याएको थियो।

सुनको बार र सिक्काको विश्वव्यापी माग वार्षिक रूपमा तीन प्रतिशतले घटेको छ भने गहनाको खपतको माग दुई हजार ९३ टन पुगेको छ। चीनको आर्थिक सुधारले विश्व बजारमा सुनका गहनाको माग बढाएको छ।

‘चीनको आर्थिक सुधारले सुनका गहनाहरूको मागलाई बढावा दिएको छ। र, देश विश्वव्यापी सुनका गहना बजारको लागि एक महत्त्वपूर्ण आकर्षण बनेको छ,’ रिपोर्टमा भनिएको छ।

गत वर्ष विश्वमा सुनको आपूर्ति तीन प्रतिशतले बढेको थियो। सन् २०२३ मा सुनखानीको उत्पादन एक प्रतिशतले वृद्धि भई तीन हजार ६४४ टन पुगेको प्रतिवेदनमा उल्लेख छ।

ad
ad