- वि.सं २०८० मङ्सिर १३ बुधबार
राष्ट्रिय सभाको बैठक अनिश्चितकालसम्मका लागि स्थगित भएको छ। भदौ २४ गते आइबार बिहान ११ः०१ बजेका लागि बोलाइएको बैठक अर्को सूचना जारी नभएसम्मका लागि स्थगित भएको संसद् सचिवालयले जनाएको छ।
अर्को बैठकको मिति र समय सभाका अध्यक्षले निर्धारण गर्ने छन्।
राष्ट्रिय सभामा अहिले तीनवटा विधेयकहरू मात्रै छन्।अध्यागमन विधेयक विधायन व्यवस्थापन समितिमा दफावार छलफल गरी प्रतिवेदन पेस भइसकेको छ। गृहमन्त्रीले विधेयक अध्ययनका लागि समय मागेकाले पारित गर्न मात्रै बाँकी छ।
त्यसैगरी, विद्युतीय कारोबारसम्बन्धी विधेयक र राष्ट्रिय मर्यादासम्बन्धी विधेयक समितिमा दफावार छलफलको क्रममा छ। राष्ट्रिय सभाबाट प्रतिनिधिसभामा गएका आठवटा विधेयक फिर्ता आउन बाँकी छ।
