न्युट्रल अवस्थामा राखेको बोलेरो जिप खस्दा जिपमा सवार दम्पतीको मृत्यु

Read Time : < 1 मिनेट

नयाँ पत्रिका, काठमाडाैं

नयाँ पत्रिका

२o८o जेठ २५ बिहीबार o८:४२:oo

न्युट्रल अवस्थामा राखेको बोलेरो जिप खस्दा जिपमा सवार दम्पतीको मृत्यु भएको छ। कालीकोटको रास्कोट नगरपालिका– २ सेरा बजारमा स्टार्ट गरी न्युट्रल अवस्थामा छोडेको बोलेरो जिप सडकभन्दा तल खसेर दुर्घटनाग्रस्त भएको हो ।

दुर्घटनामा गाडीमा सवार रास्कोट– १ लहरेलाका निवासी मनबहादुर शाही र उनकी श्रीमती मनकुमारी शाहीको घटनास्थलमै मृत्यु भएको प्रहरीले जनाएको छ ।

मनबहादुर शाही नेपाली कांग्रेसका वडा सभापति हुन् । दुर्घटनामा रिता सिंह गम्भीर घाइते भएको जिल्ला प्रहरी कार्यालय कालीकोटले जनाएको छ ।

#बोलेरो जिप # दुर्घटना