१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ बैशाख २५ मंगलबार
  • Tuesday, 07 May, 2024
विदुर पौडेल सिन्धुली
२o८१ बैशाख २५ मंगलबार o७:o२:oo
Read Time : < 1 मिनेट
ad
ad
मुख्य समाचार प्रिन्ट संस्करण

पानी पार्न भ्यागुतोको विवाह : २५ जन्ती, १२ सय खर्च 

Read Time : < 1 मिनेट
विदुर पौडेल, सिन्धुली
नयाँ पत्रिका
२o८१ बैशाख २५ मंगलबार o७:o२:oo

वैदिकमन्त्र पाठ गरी रुद्रीपूजा गरी धुमधामसँग भ्यागुताको विवाह

दुधौली नगरपालिका– ४ डकाहाबाट सोमबार २५–३० जनाको समूह भाँडाकुँडा र डोलीसहित कमला खोलातर्फ प्रस्थान गरे । मानिसहरूको भिड लाग्यो । केही समयपछि खोलामा जम्मा भएका मानिसहरू पूजाआजा गर्दै एकजोडी भ्यागुताको खोजीमा लागे ।

लामो समयदेखि खडेरी परेकाले अन्नबालीसमेत सुक्न थालेपछि भ्यागुतोको विवाह गरेमा पानी पर्छ भन्ने जनविश्वासका साथ भ्यागुतालाई सिँगारपटार गरी डोलीमा चढाइयो । ब्राह्मणहरूले वैदिकमन्त्र पाठ गरी रुद्रीपूजा गरी धुमधामसँग भ्यागुताको विवाह गरिदिए । 

एकजोडी कुमार केटाले विवाहित भ्यागुतालाई डोलीमा राखी कमला खोलामा बगिरहेको पानीमा पुर्‍याए । त्यसपछि ब्राह्मणहरूले भ्यागुतोको जोडीलाई डोलीबाट उतारी पानीमा छोडिदिए । लामो समयसम्म पानी नपरेका कारण रुद्रीपूजा आयोजना गरी भ्यागुतोको विवाह गरिदिएको स्थानीय थानेश्वर काफ्लेले बताए ।

स्थानीयमा वैदिक मन्त्र पढी भ्यागुतोको जोडीको विवाह गरिदिएमा पानी पर्ने जनविश्वास रहेकाले करिब तीन–चार घन्टासम्म होमहोमादी गरी भ्यागुतोको जोडीको विवाह गरेको उनको भनाइ छ ।

यस्तो कार्यमा स्थानीयले स्वतस्फूर्त रूपमा रकम जम्मा गर्ने र महादेव, इन्द्रको पूजाआराधना गर्ने प्रचलन रहेको काफ्लेले बताए । भ्यागुतोको बिहेमा प्रसादबाहेक करिब एक हजार दुई सय रुपैयाँ खर्च लागेको उनको भनाइ छ । 

ad
ad