- वि.सं २o८१ बैशाख २२ शनिबार
उपप्रधानमन्त्री एवं भौतिक पूर्वाधार विकासमन्त्री नारायणकाजी श्रेष्ठले अतिकम विकसित मुलुकहरूका सम्बन्धमा राष्ट्रसंघीय सम्मेलनमा नेपालका तर्फबाट प्रतिनिधिमण्डलको नेतृत्व गर्दै कतार भ्रमण गर्ने भएका छन् । उनी शुक्रबार दोहा जाँदै छन् ।
कार्यक्रम आगामी आइतबारदेखि बुधबारसम्म हुँदै छ । यसअघि प्रधानमन्त्री पुष्पकमल दाहाल प्रचण्ड जाने कार्यक्रम भए पनि राष्ट्रपति निर्वाचनलगायत कारण उनले उपप्रधानमन्त्री श्रेष्ठलाई पठाउने निर्णय लिएका हुन् । उपप्रधानमन्त्री श्रेष्ठले शनिबार अतिकम विकसित मुलुकहरूको समूहका अध्यक्ष मलावीले समन्वय गरेको सम्मेलनलाई सम्बोधन गर्ने कार्यक्रम छ ।
यस वर्ष नेपालले अतिकम विकसित मुलुकहरूको समूहको अध्यक्षता लिँदै छ । उपप्रधानमन्त्री श्रेष्ठले सम्मेलनको उद्घाटन सत्रलाई सम्बोधन गर्ने कार्यक्रम रहेको परराष्ट्र मन्त्रालयले जनाएको छ ।
