नेपाली कांग्रेसका सांसद चन्द्रप्रसाद भण्डारीले नेपालको कानूनले नेताहरुसमक्ष आत्मसमर्पण गरेको बताएका छन् । शुक्रवार विवेकशील साझा पार्टीको पहिलो महाधिवेशनलाई सम्बोधन गर्दै उनले कानून लागेको भए आफूलाई भगवान ठान्ने नेताहरु जेलमा हुने टिप्पणी गरे ।
‘हामीले जे सोचेर राजनीतिमा लागेका थियौँ, यिनै नेता ईश्वर हुन् भन्ने लागेको थियो । यिनका निम्ति हाम्रो समाज, हाम्रो संस्कृति, हाम्रो सम्बन्ध तहसनहस पा¥यौं,’ उनले भने, ‘तर नेपालमा कानूनले काम गरेको भए हामीले मानेका धेरै नेताहरु जेलमा हुन्थे । नेपालमा कानूनले काम नै गरेन । आत्मसमर्पण गर्यो ।’
आफूहरुले लडेर ल्याएको प्रणालीमा सबै फूलहरु फुल्न पाउने भन्दै सांसद भण्डारीले वैकल्पिक शक्तिहरुले देशका लागि काम गर्न आवश्यक रहेको भनाइ राखे ।
पार्टीमा युवा नेताहरु नबोलेकोप्रति असन्तोष व्यक्त गर्दै उनले युवाहरुले आफ्नो पार्टीमा भएको चुनौतिको समाधान गरी देश बनाउने सपना बनाउनुपर्नेमा जोड दिए ।