- वि.सं २o७९ माघ १९ बिहीबार
मुक्तिनाथ विकास बैंक लिमिटेडले आफ्ना भिसा डेबिट कार्डवाहक ग्राहकलाई थप सेवा दिन काठमाडौंको वसुन्धरामा रहेको चिरायु नेसनल अस्पताल एन्ड मेडिकल संस्थानसँग सम्झौता गरेको छ ।
बैंकले आफ्ना ग्राहकलाई चिरायु अस्पतालबाट सेवा लिँदा विभिन्न सेवामा १० प्रतिशतसम्म छुट प्रदान गर्ने सम्झौता गरेको हो ।
बैंकको यस सहकार्यबाट बैंकका ग्राहक लाभान्वित हुने र स्वास्थ्य उपचारमा पहुँच पुग्ने बैंकले विश्वास व्यक्त गरेको छ । साथै, बैंकले डिजिटल कारोबारलार्ई प्रोत्साहन गर्न आफ्नो एटिएम कार्ड प्रयोग गरी नेपालभरि रहेको भिसा नेटवर्कमा आबद्ध अन्य जुनसुकै बैंकको एटिएम मेसिनबाट निःशुल्क रकम झिक्न सकिने व्यवस्था गरेको जनाएको छ ।
