नेपालका लागि टिभिएसको आधिकारिक वितरक कम्पनी जगदम्बा मोटर्सले चाडपर्वलाई मध्यनजर गर्दै ल्याएको ‘कायापलट’ योजनाको पहिलो शतप्रतिशत क्यासब्याक पाउन धापासीका भुजेन्द्र सरूमगर सफल भएका छन् । उनले बौद्ध टुसालको अटो साउन्ड ट्रेडर्स प्रालिबाट एन्टर्क १२५ री एफआई स्कुटर खरिद गर्दा शतप्रतिशत क्यासब्याक पाउन सफल भएका हुन् ।
त्यस्तै, स्याङ्जाको मनकामना वडा नम्बर १ का इमबहादुर गुरुङले बुटवलको बालाजी अटोमोबाइल्सबाट एन्टर्क १२५ एफआई स्कुटर नकिन्दैे चार हजार रुपैयाँ र किनेपछि एक लाख रुपैयाँ गरी एक लाख चार हजार रुपैयाँ पाउन सफल भएको कम्पनीले जनाएको छ । ललितपुरका असनकुमार राईले बालकुमारीको न्याब इन्जिनियरिङबाट एन्टर्क १२५ एफआई स्कुटर नकिन्दैे २५ हजार रुपैयाँ र किनेपछि एक हजार रुपैयाँ गरी २६ हजार रुपैयाँ पाउन सफल भएको कम्पनीले जनाएको छ । योजनाबारे सोधपुछ गर्ने आठजना ग्राहकले रियलमी सी३० स्मार्टफोन जितेको जनाइएको छ ।
योजनाअन्तर्गत ग्राहकले टिभिएसको मोटरसाइकल र स्कुटर खरिद गर्दा पाँचपटकसम्म आकर्षक उपहार प्राप्त गर्न सक्ने जनाएको छ । नकिन्दै एक लाख र खरिद गरेपछि १० लाखसम्म जित्ने मौका रहेको कम्पनीको भनाइ छ । हरेक दिन योजनाबारे सोधपुछ गर्ने एक भाग्यशाली विजेतालाई रियलमी सी३० स्मार्टफोन प्रदान गरिने तथा हरेक हप्ता एक खरिदकर्तालाई सम्पूर्ण नगद फिर्ता गर्ने र एक भाग्यशाली विजेतालाई बम्पर उपहारमा ५० लाख रुपैयाँ नगद पुरस्कार जित्न सक्ने कम्पनीले जनाएको छ ।
