चितवनमा जारी राष्ट्रिय स्वतन्त्र पार्टी (रास्वपा) को पहिलो महाधिवेशनअन्तर्गत शिक्षा तथा खेलकुदमन्त्री सस्मित पोखरेलले केन्द्रीय सदस्य पदका लागि उम्मेदवारी दिएका छन्।
पोखरेलले सामाजिक सञ्जालमार्फत उम्मेदवारी घोषणा गर्दै पार्टीको सिद्धान्त, मूल्य र अभियानलाई अझ प्रभावकारी ढंगले अघि बढाउन इमानदारीपूर्वक काम गर्ने प्रतिबद्धता जनाएका छन्।
उनले पार्टीका नेता, कार्यकर्ता तथा महाधिवेशन प्रतिनिधिहरूसँग विश्वास र समर्थनको अपेक्षा पनि गरेका छन्।
रास्वपाले पहिलो महाधिवेशनमार्फत नयाँ नेतृत्व चयन गर्ने प्रक्रिया अघि बढाइरहेको छ। यसक्रममा विभिन्न पदका लागि उम्मेदवारी दर्ता हुने क्रम जारी छ।
See More On
