ओली र लेखकको बयान लिनुअघि जाँचबुझ आयोगका पदाधिकारीद्वारा प्रधानमन्त्रीसँग छलफल

जेन–जी आन्दोलना भएको मानवीय तथा भौतिक क्षतिसम्बन्धी छानबिन गर्न गठन भएको जाँचबुझ आयोगले प्रधानमन्त्री सुशीला कार्कीलाई भेटेर छलफल गरेको छ। आयोगले आगामी साता पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई बयानमा बोलाउने तयारी गरेको छ। 

त्यसअघि आयोगले प्रधानमन्त्री कार्की र गृहमन्त्री ओमप्रकाश अर्यालसँग छलफल गरेको हो। छलफलमा आयोगको म्याद, थपिएको कार्यादेश, हालसम्मको प्रगति र समस्याबारे छलफल भएको एक अधिकारीले बताए। आयोगको पदावधि ९ पुससम्म छ। सो अवधिमा काम नसकिने भएकाले आयोगले म्याद थपको आवश्यकता औँल्याएको छ।