सिटिजन्स बैंक इन्टरनेसनल लिमिटेडले बुटवलको कालिकापथमा रहेको ड्रिम इन्टरनेसनल होटेल तथा योगीकुटीमा रहेको होटेल दा फ्लामिंगोसँग बैंकका कार्डवाहक र मोबाइल बैंकिङ ग्राहकलाई विशेष छुट पाउने समझदारी गरेको छ ।
समझदारीअनुसार सिटिजन्स बैंकका कार्डवाहक र मोबाइल बैंकिङ प्रयोगकर्ताले ड्रिम इन्टरनेसनल होटेल र होटेल दा फ्लामिंगोमा १५ प्रतिशतसम्मको छुट पाउने जनाइएको छ । यस किसिमको सहकार्यबाट बैंकका ग्राहक लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित गर्ने बैंकले विश्वास व्यक्त गरेको छ ।
हाल बैंकले देशभरमा एक सय ८८ शाखा, तीन विस्तारित काउन्टर, एक सय ४३ एटिएम, ६ कियोस्क सेवा र ९७ वटा शाखारहित बैंकिङ इकाइमार्फत सेवा दिइरहेको जनाएको छ ।
See More On
