- वि.सं २o८१ जेठ ३ बिहीबार
प्रमुख प्रतिपक्षी दल नेकपा एमालेले आज प्रतिनिधिसभा र प्रदेश सभा सदस्य निर्वाचन, २०७९ का लागि चुनावी घोषणापत्र सार्वजनिक गर्ने भएको छ । पार्टीको केन्द्रीय सदस्य एवं प्रचार र तथा प्रकाशन विभागका उपप्रमुख विष्णु रिजालले होटेल याक एन्ड यतीमा आज दिउँसो घोषणापत्र सार्वजनिक गर्न लागिएको जानकारी दिए ।
उनका अनुसार एमालेले घोषणापत्रको सार्वजनिकीकरण केही नयाँ ढंगले गर्ने तयारी रहेको छ । उक्त घोषणापत्रमा अध्यक्ष केपी ओलीले ‘लाइभ डिबेट’ गर्ने कार्यक्रम राखिएको छ ।
एमालेले ‘समृद्ध नेपाल, सुखी नेपाली’को संकल्पलाई आत्मसात् गर्दै देशको विकास र समृद्धि नै मूल विषय भएर घोषणापत्र आउने जनाएको छ । एमाले अध्यक्ष ओलीको संयोजकत्वमा घोषणापत्र सुझाव समिति बनेको थियो । उक्त समितिले सुझाव संकलन गर्ने कार्य गरिरहेको र उक्त सुझावका आधारमा घोषणापत्र तयार गरिएको एमालेले जनाएको छ ।
