बझाङको मस्टा गाउँपालिका- १ तुफानडाँडानजिकै जिप दुर्घटना हुँदा सातजनाको घटनास्थलमै मृत्यु भएको छ भने ६ जना घाइते भएका छन्।
बुधबार साँझ साढे ४ बजे मस्टा गाउँपालिका- १ डुग्रीबाट भातेखोला जाने क्रममा सु-प-प्र-००१ च ११७ नम्बरको जिप दुर्घटना भएको हो। जिप दुर्घटना भई सडकभन्दा झन्डै ३ सय मिटर तल खसेको थियो।
दुर्घटनामा मृत्यु भएका ७ जनाको शव फेला परेको जसमा ४जनाको सनाखत भएको र ३ जनाको सनाखत हुन बाँकी रहेको जिल्ला प्रहरी कार्यालय बझाङका डिएसपी जागेश्वर भण्डारीले बताए। जिपमा सवार अन्य यात्रुहरूको खोजी कार्य जारी रहेकोे उनको भनाइ छ।
सनाखत भएका मृतकहरू मस्टा २ का वर्ष १३ की सम्झना खड्का, वर्ष १५ का रोसन खड्का, वर्ष १६ का प्रचण्ड खड्का र वर्ष २८ की वसन्ती धामी रहेको साथै बाँकी ३ जनाको सनाखत नभएको जनाइएको छ।