- वि.सं २o८१ जेठ १ मंगलबार
बालिका बलात्कारको आरोप लागेका क्रिकेट राष्ट्रिय टोलीका निलम्बित कप्तान सन्दीप लामिछाने पक्राउ परेका छन् । केहीबेर अघि कतार एयरवेजको विमानबाट त्रिभुवन अन्तर्राष्ट्रिय विमानस्थलमा ओर्लिएका सन्दीपलाई प्रहरीले तत्काल पक्राउ गरेको हो ।
गत भदौ २१ गते एक बालिकाले सन्दीपले आफूलाई बलात्कार गरेको प्रहरीमा उजुरी दिएकी थिइन् । त्यतिवेला सन्दीप क्यारेबियन लिग खेल्न नेपालबाहिर गएका थिए । उनीविरुद्ध नेपाल प्रहरीको आग्रहअनुसार अन्तर्राष्ट्रिय प्रहरी संगठन इन्टरपोलले डिफ्युजन नोटिस जारी गरेको थियो ।
लामिछानेले आफू नेपाल फर्किन लागेको कुरा सामाजिक सञ्जालमार्फत जानकारी दिएका थिए ।
