- वि.सं २o८१ बैशाख १७ सोमबार
जिल्लाको छायाँनाथ रारा नगरपालिका–११ मा चट्याङ लागेर एक जनाको मृत्यु भएको छ। चट्याङ लागेर १९ वर्षीय अज बहादुर कुमाईको मृत्यु भएको छ । भने चट्याङकै कारण शेरबहादुर बुढा अचेत भएका थिए ।
बिहीबार बेलुकी करीब ५ बजेतिर परेको चट्याङ लागेर पाटनको बागजाउलामा भेडा चराइरहेको कुमाइको मृत्यु भएको छायाँनाथ रारा नगरपालिका–११ की वडा अध्यक्ष कुञ्जुमा कुमाइले जानकारी दिइन् ।
अचेत भएका बुढा एक घण्टापछि होसमा आएको र उनलाइ घर ल्याइएको छ । मृतक कुमाइलाई पोष्टमार्टमका लागि जिल्ला अस्पताल मुगुमा ल्याइएको जिल्ला प्रहरी कार्यालय मुगुका प्रमुख प्रहरी नायब उपरीक्षक सुवास हमालले जनाए ।
