सर्वसाधारणले बढी खपत गर्ने चिनी, तेल र तरकारीमा सबैभन्दा धेरै बिचौलिया हाबी छ । जसका कारण उत्पादन भएको ठाउँबाट उपभोक्तासम्म पुग्दा त्यसको मूल्य किनिनसक्नु हुन्छ । अहिले तोरीको तेलको मूल्य प्रतिलिटर दुई सय ९० देखि तीन सयसम्म हो ।

तर, व्यापारी तथा बिचौलियाले त्यसलाई प्रतिलिटर तीन सय ३० देखि तीन सय ९० सम्म पुर्‍याएको उपभोक्ता अधिकार अनुसन्धान मन्चका अध्यक्ष माधब तिमिल्सिनाको भनाइ छ । उनका अनुसार भटमास तथा सूर्यमुखी तेलको मूल्य प्रतिलिटर दुई सय ३० भए पनि व्यापारी तथा बिचौलियाले दुई सय ६० सम्ममा बेच्ने गरेका छन् ।

त्यस्तै, ७२–७३ रुपैयाँको चिनीलाई पसलेले बिचौलियाबाट ८५ रुपैयाँमा किनेर उपभोक्तालाई एक सय १० रुपैयाँसम्ममा बेच्ने गरेका छन् । ‘बजारमा पाइने हरेक सामानमा बिचौलिया हाबी छ,’ अध्यक्ष तिमिल्सिनाले भने, ‘त्यसलाई हटाउन सरकारले छिटोभन्दा छिटो मूल्य निर्धारण गर्न आवश्यक छ ।’